Facebook Twitter

Chiòve

Pau Miró
SCENA 8

Carlo: Vulimmo ascì? (silenzio) Putimmo i’ ‘o McDonald.
Lali: Ogge vuo’ ascì’ ?
Carlo: Putimmo i’ ‘a Mergellina, a guarda’ ‘o mare. E po’ ce magnammo qualcosa ‘o Mc Donald. O sinò jammo addo chille d’’e Kebab.
Lali: Voglio lassa’ ‘sta fatica.

Pausa.

Carlo: Tiene ‘na jurnata storta. Vide tutto niro. È normale.
Lali: Sto dicènno seriamente.
Carlo: Si vuo’, dimane t’accompagno ‘o museo o a ‘sti posti ca vaje tu.  
Lali: E pecchè?
Carlo: Pe’ te fa’ compagnia.
Lali: Quando fatico nun veco chiù ‘e sorde, vedo solo uomini tristi.
Carlo: Ma che dici?
Lali: Tu nun capisce niente, Carlo.
Carlo: Pare ca staje leggenno una ‘e chelli frase ca jèsceno ‘a dint’’e ciucculatine. Nun può parla’ normale?
Lali: Normale?
Carlo: Sì, quanno te facive ‘e fravecature, ‘e meccaniche, o ‘e portuale, parlàve normale e… e stive pure cchiù contenta, mo staje ttriste tutt’’a jurnata, penzànno sempe a cose ca nun servono a niente.
Lali: Stevo fatta tutt’’a jurnata.
Carlo: Io aggio pruvato a te veni’ appriésso c’’o fatto d’’e ciucculattine. Vafammòcca a 'sti ciucculattine ‘e mmerda, Lali. Chello ca scrìveno dint’ a ‘sti carte nun serve a niente, Lali. Nun tene niente a che vede’ c’’a vita ‘e tutt’’e juorne.

Pausa.

Lali: Me so scassata ‘o cazze ‘e fa’ ‘e bucchine. L’hê capito mò?

Pausa.

Carlo: Nun’’o vuo’ fa’ cchiù?
Lali: No.
Carlo: Vabbuò. Nun’’o fa’ chiù..
Lali: Nun’’o faccio cchiù.
Carlo: Nun’’o fa’ chiù.
Lali : Voglio fa’ ati ccose, pòzzo fa’ ati ccose.
Carlo: Che cosa? A fa’ a cassiera ‘a Standa a guadagna’ manc’’a mmità e a faticà ‘o ddoppio?
Lali: E’ ‘na possibilità.
Carlo:  Vabbuo’. Fallo.
Lali: ‘O ffaccio.
Carlo: E io?
Lali: Tu?
Carlo: Sì. Io. Io, che faccio? Tu e io che facimmo?

Squilla il telefono.

MIRÓ, Pau. Chiove (Plou a Barcelona). Nàpols: Guida, 2008. [Estrenada al Piccolo Teatro de Milà, 2008]
Traduït per Enrico Ianniello
Enrico Ianniello, 2013
Comentaris sobre traduccions
Café Zurich, Caffé Gambrinus
per Enrico Ianiello
Fragments
El mètode Grönholm - Jordi Galceran
Els jugadors - Pau Miró
Plou a Barcelona - Pau Miró
Bibliografia
Cercador de traductors
A-B-C-D - E-F-G - H - I
J - K - L - M - N - O - P - Q - R
S-T-U-V-W-X-Y-Z
Amb el suport de: